01/03/2010

لحظة طبيعية

1.3.10  Gabriel  16


live !

اغرب شي بهلدنيا انها بتمنحك بحياتك لحظات وأماكن بتحسها كلها فرح وأمل بالوقت اللي فيه مستحيل يعيش فيها الأمل ! 
اذا صفنت بمسيرتك بهلدنيا رح تحس انه ولا كأنه شغلة الحياة انها تتسلى فيك وتحطلك فرضيات ممكن بأي لحظة تتشقلب فوقاني تحتاني وتشقلبك معها
فـ انت وحظك يابو الحظوظ.. عوجا من زمن الأجداد


تصنيف : ,

16 تعليقات:

اي اوقات كمان الشقلبة بتكون مفيدة.
حلوة ابو الغاب

@George
آخر مرة اتشقلبت فيها كانت بالشام قبل سنتين بالهابي لاند وبالتحديد بلعبة اسمها "المقص " وقتا كل اللي معي قرفوا عيشتن من ورا شقلبتي ( فهمك كفاية )
فبجوز تكون مفيدة الشقلبة بس اللي متلي شرواي الحال ما بتنفع معن

@emad
شكراً

@jafra
ميرسي الك

غريب انك اخترت صورة غير طبيعية وكانت بلحظة غير طبيعية
لتسميها لحظة طبيعية

حبيت فكرة الشقلبة D:
انو هلا يحرق حريشك .. قرات هالخربوشة اليوم الصبح.. و صرت معصبة 3 مرات اليوم ,كل ما اعصب اتزكر انو الدنيا عم تشقلبني
و اتخيل منظري مشقلبة و اصير اضحك
P:

انو احلى شي تلاقي الامل بوقت تكون في بتحتاجو
اظرف شي انك تلاقيه مطرح ما انت متخيل انو مستحيل تلاقيه :)
سلامات !

@جينا

كل شي فيني صاير غريب .. وقفت على هلشغلة !

@Rita

امل ؟ لاقيه ؟ مطرح ؟
بيت مين ؟

طيب انا اشو ذنبي ؟؟؟؟

متل ذنبي تماما
انه هلحياة شقلبتنا وجبرنتا نتشقلب معها

لا والله الحياة لا اتغيرت ولا اتشقلبت
الناس هنن اللي بيتغيروا وبيتشقلبوا

برافو غابي ..برافو
خليك متشاءم هيك منشان نضل صحاب..
تشقلب بس بهدوء.
شو هالمنظر ما فهمت منو شي فيه حبر سري شي؟

كلما تشقلبني الدنيا بذكر إنو أنا كامل الإرادة وبقدر إرجع أحسن مما كنت وبسهولة ..
تحياتي واللقطة كتير حلوة

@كنان
لا تاكل هم موجة التشاؤم مطولة عندي
حوّل

بس بشرفك ما شفت الصورة فوق ؟ انه قلبها شقلبها ودقق بجوز تبين معك غرسة الصنوبة الطالعة ضمن جذع شجرة مقصوصة

@ ابو حجر
ما ديما القصص سهلة يا ظل غيفارا

غابي شكرا للتوضيح
اذا بفهم منك أنو الصنوبرة طالعة لحالها؟ لأ هيك كتير وهدا يعني أنك مانك متشائم بشكل جيد! أنتا عم تحكي عن أمل؟ أو حياة؟ أو إيمان؟

عموما رجاء اطلع ع ايميلك فيه ايميل مهم ابعتلك اياه، وشكرا لجهودك

when i look at the picture i saw at first the small tree that found the way to the light and existenss known that a harmfull hand tried to steal the life in it,s mother .
i guess what you can see from this picture is your personality !
by the way it,s not easy but not hard so
keep your head up

أبو حجر يا ابو حجر
قريت اللي كاتبه مرة ومرتين وتلاتة وما كان يطلع معي شي لأتفاعل معك وشاركك بالفكرة

يمكن شوي الشاؤوم عاميني أو ما عم يخليني شوف الشي اللي العالم عم تتفائل وقت تشوفه بالصورة

إرسال تعليق

لم ولن يتم فرض أي رقابة على التعليقات أو المساس بها من تعديل أو حذف.

عبّر عن رأيك بحريّة