اولى ليالي الاربعو عشرين

شفت رفيقي الحكيم
-كيفك يا حكيم بعد زمان ؟
شاف شي مدلّى من رقبتي
-شو هاد ؟ عم تشيل زوادة نبيت ( نبيذ )
-لا عمي ما وصلنا لهلمرحلة ...هي كاميرا
-اوف ! انا كتير بحب التصوير بس مافي كاميرا

تذكرت انو انا كمان صاير بالفترة الاخيرة عم حب الكمنجة ومقرر ارجع دق عليها بس مافي مصاري لأشتري وحدة جديدة او صلح القديمة وجبلها اوتار وقوس جديد
كس اخت المصاري لك انو قديش المصاري حاكمتنا ؟ ولك حاكمة مواهبنا او الشغلات اللي منحب للحظات نعملها !

- تعا يا حكيم فرجيك الشي اللي بتقدر تعملو بهلكاميرا مع انها قديمة وجربانة
طقطقتلي كام صورة علسريع انبسط فيّن الحكيم وكملنا بطريقنا علبيت

بح

لمبة مشعولة هلا والله

وصّلت الحكيم اللي حكالي عن رفيقو اللي كان بالحديقة عم يدخن ويحشش ويعمل مسودة حزب ناوي يأسسو ووقت الشباب الطيبة ئفشوه حسبوه مجنون لحالتو النفسية ولخربشاتو اللاعقلانية !
لك بدو يأسس حزب ! اي بلا ما كون عم عيش الموقف رح قول عنو مجنون فكيف اذا كان عم يعمل هلشغلة بحديقة عامة وفوق المنها قاعد عم يشرب دخان كمان !
ودّعت الحكيم وكملت طريقي حتى شفت ولد معلّق من التابلييه تبع طلائع البعث بس هوي هربان منها
وفي بجيبو قنينة لبن

اجيال المستقبل

والله متطورين طلاب المدرسة ! على ايامي كنا نحط تفاحة بجيبنا ...

بالطرف التاني من الشارع في شحاد عم ينبش بالزبالة ويطبّق الشغلات الثمينة اللي عم يلاقيها على بسكليت الله وحدو بيعرف كيف شايل كل هلكياس
طبيعي تلاقي شحاد بهلمناطق كونها من الطبقة الارستقراطية اللي ما حدا عم يموت من بردو فيها
وللمعلومة فقط كيلو الورق الكرتون عم ينباع ب 7 ليرات بالبلد لحتى يستفيدو منو معامل اعادة التدوير recycle ويمكن هلق مع المازوت والغاز والفحم يصير كيلو الورق ب 70 متلو متل ايا شي قابل للاشتعال
حتى الانسان عم يغلى بهلأيام باعتبار صاير مافي اسهل من تشعيلو
حاولت القط للشحاد شي صورة معتبر .. انو عم يتحرك ومافي اضاءة وما مشي الحال وبكل الاحوال انا شبه متخبي

تاريخ وحضارة

طبعا عين الامن الساهرة على حماية الممتلكات العامة اجت دقت فيني انو شو عم تعمل يا اخ ؟
بالله العظيم شو ممكن كون عم اعمل وانا شايل كاميرا ؟ عم ازرع قنبلة مثلا ولا عم احفر لأستخرج بترول !
بعد مناوشات قصيرة انقلعت من خلقتو متل ما طلب مني
شفت قطة بردانة خفت صورها انو لسع الزلمة بضهري وريحة جاكيتو الجلد معلقة بانفي مع اني مكرّب ومزكم
قلت لسجل موقف ... صورت رجلي .. كمان رجلي جزء من الاملاك العامة الممنوع تصويرا ! لا يا عمي خلي كل البشرية تصورلي رجلي ما بزعل
انو دائما عم دور علتفاصيل بالطرقات وتحت السيارات وولا مرة لاحظت او خطرلي لاحظ انو موديل رجلي من فوق وقت بطلع علين بيطلع كتير ظريف وكأنو عم يقلي " صورني صورني"

احفاد الكواكبي

آخر شي علدرج شفت شباك
كاني اول مرة بشوفو ولا كأني منفي وهي اول رجعتي من بعد سنين طوال
مع اني انا الكاسر عامودو اليسار وقت كنت صغير بس شكلي نسيتو

شباكك مطفي

ليش كانت القعدة على هلدرجة الصغيرة حبها كتير وقضي ساعات عم اتفرج علعالم بالطرقات ؟
او حاول انا واختي نمرن حالنا ذهنيا لنوصل لمرحلة التزامن الصحيح بين سرعة حركة العالم تحت والزمن المناسب للبزق من الشباك لضمان توقع البزقة علين !
قعدت علدرجة الصغيرة للشباك .. اخدت برد وبلشت طالع روايح
قلت لأطلع على بيتي انضب
وكان كذلك
بشرفك ... طلّع بقرب مراية جنبك .. قديشك انسان يائس من حياتو لحتى كملت آخر كلمة من هلحكي البلا طعمة ؟
انو منتظر مني ضمن هلحكي قدملك اثبات كروية الارض مثلا ؟ او اشرحلك على النظرية النسبية ؟ او اكتبلك معادلات احتراق المواد النووية ؟
انا عن حالي عم اكتب ومالي خلق اقرا
ولالي خلق عدل او حتى دقق اذا في كلمة سقطت سهوا معي او لا
فليش انت لتصير ملكي اكتر من الملك !
يا عمي دور بدل الحياة فيها ديناميك وما بحياتها بتتوقف

رح تقلي شو خص العنوان بالمضمون ؟ اي معك حق
اليوم هوي اول يوم الي بسنتي الاربعو عشرين
انشالله العمر كلو .. بعرف هيك حتقلي
وانا من عندي بقلك .. مافي للأبد .. متلي متل كلشي بهلدنيا .. رح انقلع واترك مساحة لغيري ليعيش ... وهكذا دواليك

اقرء المزيد

رأس خيط شبكة المؤامرة

جاء سائح لبلادي وأشار إلى واحد من القطيع متسائلاً "انظروا إلى هذا الانسان، لماذا لا يبتسم "
نظر الجميع للشخص المشار إليه، ليروا هيئة "الانسان"، وصدموا عندما لم يجدوه مريخيا أو أخضر اللون.
شهقات تعجب تلتها لحظات من الصمت المطبق على عيون حائرة تخفي خلفها سؤال "وهل أنا أيضاً انسان". تقاطعت النظرات وارتفعت مع تقاطعها الأصوات.
ومن هنا بدأت المؤامرة.

اقرء المزيد

عودان من حزمة الاصلاحات

العود الأول : اصلاح لغوي
ضمن حزمة الاصلاحات الاخيرة، وفي واحدة من أهم القوائم التي لا يمكن أن تسير عجلة الاصلاح من دونها ألا وهي الاصلاحات اللغوية النحوية، تم نسف وتقطيع أوصال كلمة "اشتريت" من قواميس حياتنا واستبدالها  بكلمة "دبّرت".
وعليه بدل أن تقول : اشتريت مازوت، بات عليك أن تقول وبفخر : دبّرت مازوت.
علم وافهم علناً.

العود الثاني : اصلاح مهني
منذ أواخر القرن الماضي تبيّن أن فئة كبيرة من الشعب السوري باتت تخضع لقانون الاشمئزاز المهني والقرف المعيشي، ومنذ ذلك الحين حقق بعض ضعاف النفوس وخونة الوطن مساحة من التململ تحت تسمية  "الفرح ليس مهنتي".
بحثاً عن مهنة جديدة لاستبدالها بهذه النظرة السلبية للواقع والقضاء على امكانية الانسياق وراء مخططات الخونة من واهني نفسية الأمة، وبعد الاستعانة بخبراء التاريخ والجغرافية واخصائيين في اللغات السامية وغير السامية، وجدانا أن "التأقلم مع ظروف الحياة الصعبة" مهنة سوريّة بامتياز، تعود أصالتها وعراقتها لعقود من الزمن. وعليه نقول: أيها المواطن الكحيان، يا صابراً في الدوائر الحكومية ومقاتلاً في أرتال تدبير المازوت، يا قاهرا ًالصعوبات ومحطماً المؤامرات، حفاظا على تاريخ شعبك وثقافته ولتعزيز الصفوف الداخلية في وجه الحركة النفسية والفكرية للاستعمار المتجدد، رجاءً عد بصمت لمهنة "التأقلم مع ظروف الحياة الصعبة" واتقنها. وإلا فذنبك على جنبك.

في الختام -وبغض النظر عن حال شعب سوريا- نعود لنقول وبكل فخر: عشتم وعاشت سوريا.

اقرء المزيد

عن تناقض المواقف وأزمة العروبة مع المادة الثامنة في الدستور

المادة الثامنة
حزب البعث العربي الاشتراكي هو الحزب القائد في المجتمع والدولة ويقود جبهة وطنية تقدمية تعمل على توحيد طاقات جماهير الشعب ووضعها في خدمة أهداف الأمة العربية.

طالب أكراد سوريا قبل أشهر قليلة بشكل واضح وصريح تخليص سوريا من الصفة "العربية" الملتصقة بها وعدم الحاق سوريا كوطن بأي صفة عرقية خاصة. رغم وجود عشرات الطوابع وعشرات القطع النقدية المدموغ عليها منذ قرابة نصف قرن من الزمن وسم "الجمهورية السورية" بشكل واضح وصريح، إلا أنها لم تشكل سببا كافياً لتقبل معظم فئات المجتمع السوري المنشأة على قناعة العروبة والتسليم المطلق بصحتها كعرق ولغة وقومية وهوية، لمفهوم المساواة في المواطنة بين القوميات المغايرة (هذا إن لم نرد الغوص في العروبة أساسا واعتبرنا المحيط السوري الأوسع ينتمي تلقائيا للقومية العربية)، وعليه لم يتوانى كثيرون عن اخذ خطوة تخوين الأكراد وكل من رأى في مطلبهم كلام حق (وإن اتفقنا أو اختلفنا فيما بعد إن كان يراد به باطلاً أم لا). وتم استخدام هذا المطلب للاستدلال ولفضح النوايا الانفصالية الخبيثة المستعينة بالمؤامرة التي تريد تجريد سوريا من انتمائها ليحلوا للغرب فيما بعد خلق انتماء جديد يتماشى مع أهوائهم في المنطقة.

القت مطلب الأكراد السوريين تساؤلات حقيقية حول جدوى ارتباط دولة كاملة بكل أطيافها ومكوناتها الاجتماعية وقومياتها وأعراقها وثقافاتها بقومية واحدة تشمل الجميع وتفرض عليهم القبوع والانزواء داخل عباءتها، وكانت مطالبهم بمثابة الحجر الذي حرك في سوريا المياه الراكدة على أسس القومية العربية. للمرة الأولى في سوريا يصبح الحديث في المفهوم القومي وربطه بالمواطنة فعل علني حقيقي وموضع اهتمام عامة الشعب بعد أن كان مقتصرا على رواد الانترنت والمنتديات الفكرية التي تهتم بإثارة المواضيع السياسية والبحث في مفاهيم القومية والمواطنة والمجتمعات وتوابعها.

في الأمس وبعد تعليق عضوية سوريا في جامعة الدول العربية، قفز أصحاب الانتماء العروبي "السابق"، نحو المطالبة باستئصال الصفة العربية من الكيان السوري السياسي والاجتماعي والتحول إلى نموذج "الجمهورية السورية"، النموذج ذاته الذي حورب قبل أشهر قليلة ونعت أصحابه بالخونة. هذه النقلة النوعية لم تتم عن قناعة وادراك لمفهوم المساواة بل نتجت عن إفراط في الاقصاء، يوم كان الهدف اقصاء الأكراد تم تمسك بالهوية العربية والتضحية بالهوية السورية، ويوم أصبح إقصاء العرب هدفاً تم تمسك بالهوية السورية والتضحية بالهوية بالعربية.
تبنّي "الجموع" مواقف معاكسة تماما على مستوى الشعارات والقناعات خلال فترة قياسية تجعلني استذكر الفكرة التي قدمها جورج اورويل حول "القطيع" في رواية 1984، القطيع الذي فرح لوصول مخصص الشوكولا للفرد إلى نسبة 20% ، فرح مصدره الشعور بالانتصار والتقدم لحصوله على هذا الانجاز ولاعتقاده واقتناعه بآن واحد أن حاله في تحسن مستمر، يبدو تماما أنه قد نسي أن الاسبوع الفائت كانت النسبة المخصصة للفرد 30% وتم اختصارها!.
هل يتذكر الفكر الجماعي هذه الحقيقة؟ هل يتذكر كل فرد من الجماعة تسلسل الأحداث- القريب منه قبل البعيد- ويتجاهلها أو أنه فعلا تم تدجينه وضمّه لقطيع ذاكرته مسيطر عليها وأحاسيسه ومشاعره موجهة بشكل مسبق؟

بعيداً عن مناقشة النزعة الاقصائية وآلية معالجتها للواقع وتحليل طريقة انتاجها لردات الفعل العنيفة المتناقضة في كثير من الأحيان. اختلاف الموقف والرؤية لدى "الجموع" اليوم عما كانت عليه في الأمس تطرح تساؤلات مشروعة يجب الوقوف مطولاً أمامها، فبعد أن انفضت جميع فئات الشعب السوري عن دائرة حزب البعث العربي الاشتراكي المنصّب تلقائيا قائداً للمجتمع والدولة بموجب المادة الثامنة من الدستور، حيث أخذ السوريون شعبتين منفصلتين، الأولى معارضة لسلطة البعث المطلقة وتطالب بتحجيمها عبر الغاء المادة الثامنة، وأخرى مؤيدة "سابقاً" لم تعد بعد الآن مؤمنة بشعار الأمة العربية الواحدة وقد عبرت بشكل قاطع عن رفضها لمفهوم الانتماء للعروبة والتالي بالضرورة رفض مبدأ الوحدة العربية من المحيط للخليج، الهدف الأول ضمن المنظومة الحزبية البعثية العربية. هذه النقلة غير البسيطة تفرض علينا الوقوف من جديد أمام المادة الثامنة من الدستور والسؤال عن آلية معالجة هذه المعضلة التي خلقتها تعاكس المواقف، فهل سيستغنى عن المادة الثامنة أم يحوّر مفهومها أو يعاد صياغتها من جديد بعد أن استغنى بشكل واضح جمع السوريين عن جوهر البعث وهدف وجوده!

اقرء المزيد

لقطات متطرفة : بياع القهوة

وانا عم اشتري قهوة .. صرختلو لرفيقي"صورني معو"
اللي صورني واللي تصور معي ما عرفو الشي اللي فكرت فيو
يفترض يكون انا اللي ماني معيّد وهوي اللي لازم يكون لابس تياب العيد
بس اللي كان .. للأسف .. انا اللي عم اشتري وهوي اللي عم يبيع
انا ماني طويل كتير.. ماني كبير كتير.. هوي القصير كتير .. هوي الصغير كتير
انا ما عم اقدر اتضحك بس هوي عم يقدر
انا زعلان عليه .. بس هوي مبسوط ع حالو
انا بدي يكون او يكونو ولادو من بعدو بظروف احسن .. بس هوي ما بيعرف هلشي ولا فارقة معو
انا ما بعرف اسمو ولا هوي بيعرف اسمي بس بعرف انو ما لازم يكون بالعيد عم يفتل ويبيعني قهوة
ليش كل هلشي ؟
وصورني ماريو
دفعتلو حق القهوة
وراح قبل ما اتذكر عيّدو
بس تركتلو 10 ليرات زيادة
انفعلو من كلمة كل عام وانت بخير او بونفيت
علأغلب ما حيفهم معناها

اقرء المزيد